Unser gepet zuvor liben herrn und freund! Wir lassen uch wissen, daz uns auf hewt potschaft ist kumen von Behem, wi die hussen mit macht sich legen willen fur Pilsen auf den nesten donerstag, und vermein do zu harren des zugs, der hin ein geschen schol, denn derfure wir icht anders, ab sie heraws wolden zihen, das wolde wir uch auch gern wissen lan, des gelawb wir uch auch wol, ab ir icht derfurt, ir liest uns das auch wissen, wo di hussen aws wolden, und ab ir ieczunt icht west, wo si hin wolden, eur verschribne antburt. Geben zu Turssenreut des nesten dinstags nach Viti anno domini et cetera XXXI.