An der Crom Mitewochin ist vor uns komen Nickel Reyman von Cracow und hat becant, das her schuldig sey dem Reynhard von Prage sechstehalbe makg und czwenczig und achtczen groschen rechter und redlicher schulde. Die globet er im zubeczalin uff die tage, als hernach geschreben stet, nemelich drey marg uff sand Johannes tag des Teufers nechstkomende, drey mark uff sand Elysabeth tage dornach, und drey marg uff mitefastin auch dornach nestkomende, und also vorbasmer uff deselbin tage nach enander folgende uff iczlichin tag drey marg ane hindernis. Und ab her uff der tage eynen nicht hilde und nicht beczalte, so sal die ding mittenander abegehin und auch unschedelich des vorrigen schultbrifes, den her hat obir die schulde.