Unser freuntliche dinst zuuor, Erber weiser, besunder liber freund. Wir klagen euch vber herrn puoto von Eilburg vnd herrn Wilhelm seinen Sun, Wan vns vnser gnedigster herr der kung geschriben vnd geheißen hat vmb sulche sache, die sich zwischen vns verlauffen hat, die peiderseit in guten anzusteen lassen bis auf seiner gnaden in die land neher anckunft, das wir Dan von vnser seiten allezeit gern getan hetten vnd seiner kuniglichen gnaden geheisse gehorsam vnd noch ? gern weren, daruber die genanten von Eilburg vnsern gnedigsten herrn kung vns wider got vnd wider recht geraubt vnd gemortprant haben, konden wir ewer anweisung daran geuissen, das sie sulchen vnser gnedigsten herrn kungs geboten vnd geheisse noch gehorsam weren vnd also in guten ansteen lissen, das sehen wir gerne; Tetten sie aber das nicht vnd wir daruber ein notwer thun musten, so bitten wir euch doch des gedechtlich zu sein, das wollen wir frevntlichen vmb euch verdinen. Ewr beschribn antwort. Gegeben an sand veits tag Anno domini XXXIII°.

Mathes Honynger purcgraf, die Manschaft vnd Rat zcu Elbogen.