Anno domini et cetera 28 ipso die sancti Augustini vel in vigilia decollationis sancti Johannis baptiste haben sich die hernochgeschrebin unsers herrn des kuniges mannen zu Gorlicz im lande gesessin mit der stad Gorlicz also voreynet: Do got vor sey, ap dese land von den keczern und finden obirzogin wurdin, das sie mit iren gebuwern, irem getreide und speisse in die stad rucken und ziehen sullen, die helffen schuczen und weren nach irem besten vormogen, und was sust von andern sachen die stad antreffen wurde, das sullen sie ir zu gleiche und zu rechte mechtig sein helffen und raten. Item was adir die mannen anlangen wurde, also ap sie ymandis und wer sie wedir gleiche und rechte beschedigen und angreiffin welde, das sal man in von der stad wegin helffin und rothen und ir auch zu gleiche und recht auch mechtig sein. Wer abir ymands, der obir sulche voreynunge im an gleiche und rechte nicht welde lassen genugen und seinen mutwillen habin, das der auch seine sache von im selbis austrage.

Herr Hanns von Gerisdorff mit seinen brudern zu Reichenbach, Foitlender von Gerisdorff, Nickel von Tucheris, Nickel von Cunaw, Czaslaw Baldramsdorff, Caspar von Serichaw, Caspar von Reinfirstorff, Luter vom Salande, Heincze Dobeschicz zum Schadenwalde, Heincze Belewicz doselbist gesessin, Sigemund von Garlachsheym, Benischs vom Sore, Nickel Bischswerder, her Hannus von Hoberg, Hanus Rackel, Hannus Eymud, Hannus von Heinrichsdorf, Hannus von Gebelczk zum Lode, Heincze von Konigishain, Jon von der Kempnicz, Ulrich von Reynirstorff, Bobelicz zu Wenschaw, Reichehannus von Gersdorff, Nickel von Döbeschitcz, der cleine Lupticz.