Ich Hans Maxin hauptman czu Brux bekenne offentlich mit diesem brive vor allen den, die in sehen, horen oder lesen: das mir gestrenger Dytrich Pack, voit czu Meissen, drey und seschczigk guldin reinische beczalet und geantwart hat von des edeles herrens Hans von Coldicz czum Grauppen gesessen, die er mir und Niclas von Luzicz pflichtigk und schuldig gewest ist. Solicher drey und sechczigk reinische guldin sage ich Hans Maxin und Niclas von Luzicz den obengeschriben Dythrich und ouch herrn Hansen von Coldicz quitt, los und ledigk mit diesem brive. Der do gegeben ist am donrstage vor Katherine, anno domini millesimo quadringentesimo trecesimo primo.