Nos Niklas Putner magister civium, Nicolaus Raffawf, Philipus Longus, Peterlinus Hufnagl, consules et iurati civitatis Olomucensis recognoscimus tenore presencium universis, discretus Wenceslaum de Gewicz, de voluntate sue conthoralis mediam marcam veri et certi census annui grossorum Pragensium et Moravici numeri dandi et porrigendi sub impignoracionis pena, que pro censibus fieri solet, per medium in Georgii et medium in Michaelis festis continue se secuturis honorabili viro domino Nicolao Coloris pro quinque marcam grossorum et numeri predictorum rite et racionabiliter vendidisse. Quem quidem censum in et super domo sua, ante Luthoniensis presentam situata, contigna que Stepfani scriptoris et nymmer Prikessl dominibus, predictis terminis habendum et apprehendum ac inter christianos sive iudeos pre singulis aliis creditoribus conquirendum dicto domino Nicolao Coloris, altariste altaris sancti Bartholomei in ecclesia sancti Mauricii, suis que succesoribus altaristis predicti altaris deputavit. Tali tamen addita condicione que prefatus Wenceslaus de Gewicz, eius uxor, heredes vel succesores pretactum censum annum quolibet anno et terminorum termino cum equalentibus quinque marcis grossorum reemere poterint, solutis prius censibus superauctis. Sub harum quibus sigillum nostrum presentibus est appenssum. Anno domini M°CCCCXXI° feria sexta ante festum Agnetis.