Donacio census pro ecclesia in Romberg.

Coram nobis Johanne Cralowicz decano, Johanne de Duba,canonicis prebendatis eccl. Prag. vicariis in spiritualibus archiepiscopatus Prag. per d. Johannem, episcopum Olomuc. administratorem in spiritualibus et temporalibus dicti archiepiscopatus a sede apostolica constitutum, deputatis, personaliter constitutus d. Andreas, plebanus eccl. paroch. in Romberg, quoddam instrumentum super quadam donacione septem sexag. gross. den. prag. census annui pro dicta ecclesia in Romberg et ipsius rectoribus pro tenendo uno capellano factum exhibuit petens ipsum actis seu registris cancellarie dd. vicariorum archiepiscopatus Prag. mandare inscribi et contenta in eodem confirmare. Nos predicto instrumento publico viso ipsum et contenta in eodem actis presentibus per Wenceslaum de Praga, notarium publicum ac dicti vicariatus officii prothonotarium, inscribi mandauimus contentaque in eodem instrumento confirmauimus. Tenor vero dicti instrumenti est talis :

In nomine Domini. Amen. Anno natiuitatis eiusdem M°CCCCVIII, indiccione I, die XVII mensis Junii, hora nonarum seu quasi, pontificatus d. Gregorii pape duodecimi anno II in curia habitacionis strennui armigeri Johannis Luticz de Jeryngswalde, nobilis Hynikonis Bircken, domini castri in Hoenstein, baronis regni Boemie, in opido Ronberg prope Zitauiam capitanei, in mei notarii publici testiumque subscriptorum presencia constituti personaliter predictus Johannes Luticz capitaneus, Heinricus Franck aduocatus, Nicolaus Engelman, magister ciuium, Petrus Schilerinne, Peter Kyttel, Peter Packofen, Hanuss Newmeister, Nicolaus Fabri, Niczxe Eberhart, Hanuss Seyfrid, Peter Legler, Nicolaus Môlgeber et Niczxe Hohelt, consules, scabini et iurati cives in Romberg ad omnipot. Dei et glor. Dei domini nostri Ihesu Christi genitricis virg. Marie et omnium sanctorum laudem, omniumque ipsorum et progenitorum predecessorum et successorum suorum, viuorum et mortuorum, presencium et futurorum, qui manus suas porrexerint adiutrices, necnon omnium fidelium defunctorum in salutem et remedium animarum et propter perpetuum testamentum, profectum et vtilitatem eccl. paroch. ibidem in Ronberg pro vna mane missa siue capellania de novo erigenda in dicta paroch. ecclesia, in quocunque altari placuerit, per totum istum annum presentem et deinceps perpetue omni septimana et cottidie tenenda legendo aut cantando, videlicet in qualibet septimana feria secunda vam missam pro omnibus fidelibus defunctis et quarta feria vnam missam de S. Nicolao et sabbato vnam missam de B. virgine Maria ferialibus diebus, si autem dictis tribus diebus fuerint magna festa, extunc de festis aut iuxta deuocionem celebrantis, aliis vero diebus ferialibus, dominicis et festiuis in qualibet septimana mane missa predicta debet celebrari per plebanum aut ipsius capellanum pro tempore existentes, prout ipsis et cuilibet ipsorum placuerit voluntati. Pro quibus omnibus et singulis annis, septimanis, diebus et mane missis perpetuis celebrandis d. Nicolao de Gerharsdorff, dicti Johannis Luticz capitanei sororio, pro tempore vero et legitimo plebano dicte paroch. eccl. in Ronberg, presenti ac bona fide pro se et successoribus suis promittenti de nouo assumendo vnum ydoneum capellanum per eundem aut per se ipsum aut alium presbyterum dictas mane missas inviolabiliter obseruare celebrandas racionabili causa cessante, cui et successoribus sui prefati capitaneus, aduocatus, magister ciuium, consules, scabini et iurati ciues in Ronberg pro se et suis successoribus promiserunt bona fide in solidum soluere septem sexg. gross. prag. monete census annui et perpetui, medietatem in festo S. Michaelis proximo instanti et aliam medietatem in festo Walpurgis deinde proximo affuturo isto presenti anno, et sic deinceps perpetue tamdiu, quousque ipsi aut eorum successores talem censum annuum et perpetuum in certis bonis dicto d. Nicolao de Gerharsdorff, eorum plebano in Romberg, aut suis successoribus emerint et per d. archiepiscopum Prag. procurauerint confirmari; tali tamen condicione adiecta, quandocunque dictus d. Nicolaus de Gerharsdorff, plebanus in Ronberg, et sui successores negligentes et culpabiles fuerint absque uera racionabili causa in qualibet mane missa, extunc pro pena soluent aut defalcentur eis et cuilibet in dicto censu tres grossi pragenses, illi debent dari et solui pro fabrica dicte paroch. ecclesie in Ronsberg tociens quociens fuerit oportunum. De et super premissis omnibus et singulis suprascriptis memorati capitaneus, aduocatus, magister ciuium, consules, scabini et iurati ciues in Ronberg pro se et successoribus suis et prefatus d. Nicolaus de Gerharsdorff, plebanus ibidem in Ronberg, pro se et ecclesia sua et successoribus suis pecierunt ipsis per me Johannem Grünberger, notarium publicum, quondam d. Johannis Luticz, plebani in Gorlicz nuper mortui, scribam infrascriptum, fieri et confici publica instrumenta. Acta sunt hec, anno, indiccione, die, mense, hora, pontificatu et loco, quibus supra, presentibus dd. Johanne Tschenberg de Gubin, plebano in villa Warnsdorff, Nicolao Lauterbach, presbytero de Pirnis, Georgio de Nosticz armigero Bösengershardorff, Nicolao Wytkendorff, iudice ibidem, et Nicolao Stolczen, iudice in Jeryngswalde, villis prope Ronberg Prag. et Missn. dioc., testibus ad premissa vocatis specialiter et rogatis.

Et ego Johannes Grůnberger de Muůchberg sic Bamberg. dioc., publicus notarius, predicte mane misse de nouo ereccioni, dotacioni omnibusque aliis suprascriptis vnacum prenominatis testibus et notario publico infrascripto presens interfui eaque omnia fieri vidi et audiui, manu propria scripsi et in hanc publicam formam redegi etc.

Item tenor subscripcionis alterius notarii est talis :

Et ego Martinus, quondam Jacobi de Ostrow clericus Missnensis dioc. publicus notarius, predicte mane misse de nouo ereccioni et census perpetui promissioni vnacum Johanne Grůnenberg, notario publico suprascripto, et predictis testibus presens interfui eaque sic fieri vidi et audiui, et ut adhibeatur eidem instrumento de cetero plena fides, de ipsorum parcium virorumque plebani et ciuium predictorum requisicione ipsum instrumentum in testimonium omnium premissorum signo et nomine meis consuetis consignaui.

Acta sunt hec anno domini M°CCCCXXIII, die XXI mensis Sept. presentibus d. Dominico de Budweyss, canonico eccl. Prag. et Wenceslao, clerico de Byela Prag. dioc. et Jesse, plebano eccl. in Conradivilla.