KOMPLETNI REFERENCE PUVODNI LISTINY
Dle digitalizátu originálu.
Dle digitalizátu originálu.
originál; pergamen
ad infrascripta judicio presidente
, vyznává, že se k němu dobrovolně osobně dostavili non vocatis, non citatis personaliter constitutis
doktor lékařské fakulty a kanovník v executores et testamentarios
. Dohodli se, že určení různých vykonavatelů závěti by nevedlo k řádnému provedení poslední vůle zesnulého testátora, a proto ji vykonají společně jak v tom, co zesnulý notarium nostrum publicum
presentes litteras siue presens instrumentum publicum
. Koroborace: oficialát biskupství ve
In nomine domini amen. Nouerint uniuersi et singuli quibus nosse fiunt oportunum, quod coram nobis Theodrico de Cruczeburg canonico et officiali Wratislauiensi ad infrascripta judicio presidente, honorabilibus et prouidis viris dominis magistro Marco de Lutchouia medicine facultatis doctore, Olomucensi et Brunensi ecclesiarum canonico, Nicolao dicto Kuchenmeister canonico ecclesie sancti Petri Wischehradensis Pragensis, plebano ecclesie in Landishute Wratislauiensis diocesis, Johanne Newmeister aurifabro de Praga et Nicolao Slegil non vocatis, non citatis, personaliter constitutis asserentes, quomodo et qualiter per reuerendum in Christo patrem dominum Albicum olim archiepiscopum Pragensem et expost prepositum ecclesie Wischenradensis predicte diuersis temporibus et locis atque diuersi mode ipsos et quemlibet ipsorum ultime voluntatis sue constituisset executores et testamentarios. Considerantes, quod huiusmodi variis et diuersis constitucionibus intencio et voluntas dicti constituentis et defuncti ad dei laudem et anime ipsius salutem forsan non bene successu temporis exequentur, concordi et unanimi voluntate promiserunt bona fide in solida, quod omni procul discrepancia, voluntatem dicti defuncti et testatoris fideliter de rebus et bonis per ipsum derelictis exequi vellent iuxta disposicionem et formam ipsius per dictum testatorem traditis et aliis, ubi sua specialis consideracio non videretur expressa, suarum conscienciarum judicis e decreti, prout coram districto et summo judice de hoc tradere et dare vellent racionem, affectantes et petentes hanc ipsorum concordiam unionemet unanimem voluntatem per nos auctoritate nostra ordinaria cum debita juris instancia ratificari et confirmari. Nos igitur Theodricus canonicus et officialis Wratislauiensis prefatus, attendentes dictam concordiam et unionem dictorum executorum voluntatem racionabilem et saluti anime dicti testatoris profuturam, illamque gratam habentes et ratam de certa nostra sciencia approbamus et confirmamus sub excommunicacionis pena ecclesiasticaque censura, interponentes nichilominus et singulis premissis auctoritatem nostram ordinariam pariter et decretum. Actum et datum in domo habitacionis nostre in castro summi Wratislaviensis site sub anno domini millesimo quadringentesimo vicesimo sexto, die Mercurii vicesima mensis novembris hora vesperorum uel quasi indiccione quarta, pontificatus sanctissimi in Christo patris ac domini nostri domini Martini diuina prouidencia pape quinti anno eius nono. In quorum omnium et singulorum fidem et testimonium premissorum presentes litteras siue presens instrumentum publicum huiusmodi concordiam unionem et unanimam voluntatem in se continentes siue continens per Nicolaum notarium nostrum publicum infrascriptum scribi et publicari mandauimus nostrique officialatus Wratislauiensis sigilli appensionem iussimus communiri, presentibus ibidem scientifico et discreto viro magistro Sigismundo Lemchin altarista ecclesie parochialis sancte Marie Magdalene in Wratislauia, Francisco Petirwicz, Gabriele Pirner de Stynouia familiaribus nostris et Eckhardo Korre de Nurenberga laico testibus ad premissa vocatis specialiter et rogatis.
Et ego Nicolaus quondem Petri de Brodatheutonicali clericus Pragensis diocesis publicus, imperiali auctoritate notarius, quia predicte concordie et unioni omnibusque aliis et singulis dum sic ut premittitur coram prelibato domino Theodrico de Cruczeburg canonico et officiali Wratislauiensis agentur et fierent una cum prenominatis testibus presens sui eaque omnia et singula sic fieri vidi et audiui. Ideoque presens publicum instrumentum exinde confeci, scripsi meque subscripsi publicum et in hanc publicam formam redegi signo nomenque meis solitis et consuetis una cum appensione sigilli officialatus Wratislauiensis consignando rogatus et requisitus in fidem et testimonium omnium et singulorum premissorum.