Ich Philipp Anthenswancz vom Mwtischen und Anna Graserin, sein hausfrau, und all unser erben bekennen und tun chnad allen leuten gegewürtigen und chünftigen den der priff fürpracht und geczaiget wirt di in sechent oder lesen hörent, das wir mit wolverdachten mut und mit guter vornuft zu czeit da wüs wol mit recht niochten getun und auch mit gesnütem leib recht und redleich vorkaufft haben, das ffirhaupt das da genant ist der thobel und gelegen ist zwischen des ffreuczleins vom Czlewings bissen und scheldeiweins vom Mwtischen umb hündert grossen pheing gancz und gar mit allen muczen als ichs und mein vater und mein muther und all unser erben haben in gehabt langew czeit und nichcz nicht hin dan der van vorseczt dem erben dem Hannsen Leffler mit purg zum Czlelvings und allen seinen erben und des selbigen gelcz wir bericht und peczalt sein warden zu rechten tagen an all scheden gancz und gar also pescheidenleich ob das wer das der vorgenant Hans Leffler und alls sein erben wolten, das vorgenant fforhaubt hin geben oder vorkauffen so schol ers zu erstem mall an vaillen, wer da sidelheftig wirt und ob das wer das der selbig nicht wolt das vorgenant ffirhaubt hin wider kauffen so schol vorgenant Hans Leffler und all sein erben mit dem vorgenanten ffirhaubt haben zu tun lassen und zu zu vorkauffen zu vorseczen und all sein frim da mit schaffen auch ob das wer das ich vorgenant Philipp Anthenswancz und Anna sein hausfrau und all unser erben ab gingen mit dem tod da got vor sei so schol dennoch der vorgenant Hans Leffler und all sein erben, das vorgenant ffirhaubt also volkumleich und fiderleich auff heben und vessen an alle hindeniss und menikleiches wider sprechen aller meiner nachkomme als pan unserm lebentigen leib oder wer den priff wirt mue haben mit seinen gutem willen oder mit seiner erben willen der sol also gut recht haben als der vorgenant Hans Leffler und all sein erben. Auch so han ich fleissikleichen gepeten den ersamen und wolgesessen den Mercliken von Mörten und den Mischiken Chnoras vom Mwtischen das si den priff haben gesigelt ze einer waren wirchnüs der sach und rechte gegewgniss will mit irem anhangenden insigl in an scheden, wen ich nicht aigens insigl han so vorpnit ich mich und all mein erben under di obgenanten an hangunden insigl mit unsern traun an aides stat alles das stet ze halden das in dem priff geschriben stet. Der geben ist warden nach Kristi gepürt firczhen hundert iar dar nach on dem newnczehenden iare an dez liben sand Thomastag dez czweliff peten et cetera et cetera.