Vnsere willige dinste zcuuor. Ersamen weisen hern vnde besundern liebin frunde. Wir habin vornomen, wie das die verdampten ketczere ire legir vmbe uch im lande zcu Miessin sullin habin. Bitten wir uch, was ir vornemet von irer geleginheit, wo sie sich hyn meinen zcukeren adir wendin vns was dorynne ir vorsacz sey, das ir vns das wollit schreibin mit diessem vnserm boten czeiger diessis brieffis; das wollin wir in einem solichem adir grossern gerne vordynen. Gebein zcu Gorlicz des suntagis an sande Galli tage vndir vnserm stad secret.

Burgermeister vnde rathamnne der stad Gorlicz.