Ouch rurt euwir gnade in dem selben briffe, wie unsir herre erczbisschoffe von Collen von aller korfursten, forsten und herren wegen in dewtschen landen bie euwirn gnaden geweest sie und euch von erer aller wegen czugesagt habe hulffe widdir die ketczere czuthun et cetera. Und wie unsir herren die slesisschen fursten, ritthere, knechte und stete, euwir herczogthum in der Slesie, und die land der Lůsetczer alsam mit euwirn gnaden ouch der gleichen sich geeynet haben widdir die ketczer und erer bieleger, und nemlich, wie sich die herren von Ungern dorinne sullen halden, der cziethungen unsir homeister mit allen den sienen ist gros irfrauwet.