Wir, Bolko von gotis gnaden herczog in Slezien, herre zu Tesschin und zu Grossenglogw et cetera, bekennen und thuen kunth offentlich mit desim brive allen, die en sehn, horin adir lesin, das vor uns keginwertikeit komen ist der tochtige Ticzko von Logow, unsir getraue liebir, wolgesund an leibe und an vornufft mit wolnorbedoctem mute mit gutem willen umbetwungen gab uff und vereichte recht und redlichen munsir hende im namen eines rechten erbkouffis dem tochtigen Petir Nitken von der Polnischen Lehsen, seinen geerben und rechten nochkomelingen, das dorff und gut Nidek invusin tesschinischen weitbilde gelegen mit aller hirschafften zinssen, renten, gulden, ermigen und zuffellen, mit ackern, gearn und ungearn, mit wesen, widen und wesewachsen, mit welden, heiden, posschen und zeidelweiden, mit eichrte, geholze rutechte und strutechte, mit wassern, wassir loufften, wassirgegen, pfulen lachen, ausgengen graben, uberen tempmen, mit fisschereirn, molen, wolsteten, teichen, teichsteten und sost mit allen andern seinen zugehornungen, di zu dem egenanten dorffe und gute Nidek gehoren, wie man di mit sunderlichen, adir gemeinen worten benennen moge klein und gros nichtis ausgenomen noch ausgesundet sundir in den rechten und in alle der mase alse der inebenanten Ticzko von Logow und seine vorfaren gehabt gehalden und besessen haben in den reinen und gremtzen alse das vorgenanten gut Nidek von aldes ausgesaczt gelegen und umb fangen ist und von an den gutten umb und umb gesundet des so haben wir an gesehen dienst und fleisige bethe und haben von sunderlicher gnade mit rechtir wisse desen kouff und verreichnuge gegnust und dem obgenanten Petir Nitken von der Polanischen Lehsen, seinen geerben und rechten nochkomelingen das megedochte dorff und gut Nidek gnadielichen gereicht und gelehen gonnen verichen und leien in krafft und macht dis brieff zu haben zu halden und geruglichen zubesitzen zuverkeuffen, zuversetczen, zuverwachsiln und domete thuen und loessen noch freier willeker, alse mit irem erbe und gute und zuwenden in den notz ir beheglichkeit, alse sie denn das allir nuzlichste und gerouten wirt dunken sein idach unsern diensten und rechten unschedlichen in mit orkunde dis brives versigelt mit unsern anhangenden ingesegele und domete bestetiget. Gescheen und gegeben zu Skotschaw, an der nehsten mitewachen noch sindte Elizabetentage, noch Crists geburth tausund fierhundert und dornoch im dreisigisten jaren und dabei sind gewest unsere getrauen liben; Hannos Pietleth, Cornicz zum Swarczenwassir, her Aless von der Orle, Przedbor von Panyow, Mikundey von Schömberg, Niclos Tschello von Czechowicz und her Niclas Sebko Cörnicz, pfarrer zur Tczirla, unser floder und schreiber, dem des brieff befalen wart.