Unszer gepet zuvor. Liben herren und freunde! Als ir wol wist, das wir etwas in sorgen sein von der hussen wegen und haben willen, unszer traid und ander unszer hab zu euch zu füren, darumb so pit wir euch mit fleisse, das ir uns derselben hab ein slecht geleit gebt und pit den Gumerawer, daz er von gerichtz wegen auch eins geb als lang, das wir di hab her wideraus pringen, das imant sein hochmut mit uns triben wolt und uns di verpiten wolt; auch wellen wir die ewrn geren bezalen, des wir euch sunder danken wellen. Geben zu Waltsassen des nesten mitboches vor Simonis et Jude. Ewr verschribene antburt. Anno domini xxvi°. Bruder Niklas, abbt czu Waltsassen.