Wir Albrecht von gotes gnaden herczog ze Osterreich, ze Steir, ze Kernden und ze Krain, markgraf ze Meͣrhern und graf ze Tyrol etc. bekennen, als unser getrewr lieber Jörg von Liechtenstain von Nicolspurg mitsampt seinem volk, so er yecz bey im hat, uns zu dienst in die rais her gen Meͣrhern reittet und dienet, also haben wir im gelobt wissentleich mit kraft des briefs, was er und dasselb sein volk nach geschafft und haissen des edeln unsers lieben ohems und getrewn graf Johannsen von Schawnberg, unsers lantmarschalchs in Österreich, yecz unsers hauptmanns, redleicher scheden nemet, daz wir im dieselben scheden nach des yeczgenanten unsers hauptmanns und unser ret rat und erkantnuss geneͣdicleich wellen auzrichten ungeverleich. Mit urkund dicz briefs, geben ze Olmuncz an suntag vor sand Berttlmes tag nach Kristi gepurd vierczehen hundert iare, darnach in dem vierundzwainczigisten iare.