Unser gepet zuvor, liben herrn und frunde! Als ir uns gestern enpoten habt pei dem Ulrich von Turssenreut von der hussen wegen, wi si starck für den walt komen weren, also sand wir von stund an die unsern hinein dye sach zu erfaren. Di sein hewt wider kumen, und sprechen, daz sie gar do von nicht horen. Wol sei in der rede zu Tachaw, si haben yn sin heraws zu zihen vor dem zuge, der hin ein schol geschehen, den derfur wir in warheit, daz si heraws zugen starck, daz wolde wir uch lassen wissen. Des geleiche gelaub wir uch auch wol, und wir danken eur mue mit fleisse. Geben zu Turssenreut des ersten dinstags vor Viti anno domini et cetera XXXI.