Nos Sigismundus Dei gratia Romanorum Imperator semper Augustus, ac Hungariae, Bohemiae, Dalmatiae, Croatiae etc. Rex. Memoriae commendamus tenore praesentium significantes quibus expedit vniuersis: quod fidelis noster Gregorius, filius Petri, Juratus Ciuis Ciuitatis nostrae Késmark vocatae, terrae nostrae Scepusiensis, nominibus et in personis fidelium nostrorum Judicis et Juratorum ceterorumque vniuersorum Ciuium, hospitum, et incolarum ac totius communitatis eiusdem Ciuitatis nostrae Kesmark lamentabiliter nostrae patefecit Maiestati, quod dum quidam perfidissimi Hussitae ac Haeretici Bohemi, praetactas terras et partes nostras Scepusienses hostiliter subintrantes et easdem non modica sui parte desolantes, praefata Ciuitate nostra Kesmark obtenta, magnam ipsius Ciuitate nostra Kesmark obtenta, magnam ipsius Ciuitatis nostrae partem ignis voragine consumpsissent, tunc per eosdem Hussitas haereticos nedum vniuersae aliae res et bona, praenarratorum Ciuium et hospitum et incolarum, antelatae Ciuitatis Kesmark ablatae et asportatae, sed et omnes litterae, iuraque et quaelibet litteralia instrumenta ipsorum super eorumdem libertatibus, praerogatiuis, consuetudinibus, priuilegiis, et immunitatibus, quibus ipsi ac eorum praedecessores ab antiquo freti fuissent, et gauisi, confectae, et emanatae ab ipsis alienatae et deperditae extitissent. Supplicans idem Gregorius nostro culmini humiliter et deuote, sua et praefatorum aliorum ciuium in personis, vt nos ipsis exinde speciali de remedio dignaremur prouidere opportuno. Nos igitur praemissis consideratis, super quibus etiam aliorum fide dignorum relationibus sumus edocti, huiusmodi supplicationibus memoratorum Ciuium nostrorum benignius inclinati id eisdem Ciuibus, hospitibus et incolis, ac toti communitati Ciuitatis nostrae Kesmark praenotatae duximus annuendum; imo annuimus praesentium per vigorem, vt ipsi et eorum quilibet, cunctaque ipsorum posteritas illis et eisdem omnibus lebrtatibus et libertatum praerogatiuis, legibus, consuetudinibus, indultis, gratiis, priuilegiis et immunitatibus, quibus ipsi et eorum praedecessores ab antiquo, vt praemittitur, vsque tempus inuasionis et combustionis antefatae ciuitatis nostrae, Juriumque et litteralium instrumentorum eisdem, alienationis, per notatos Hussitas Bohemos factarum freti et grauisi extiterunt. Quocirca vobis fidelibus nostris, Magistro Tauernicorum nostrorum nunc constituto et in futurum constituendo, suisque vices gerentibus, praesentibus et futuris; item aliis cunctis regnicolis nostris, quibus interest, vel intererit, praesentium notitiam habituris, firmissimo nostro sub edicto praecipientes mandamus, quatenus praetitulatos ciues, hospites, et incolas antedictae ciuitatis nostrae Kesmark in praetaxatis ipsorum libertatibus, libertatumque et gratiarum praerogatiuis, legibus, consuetudinibus, indultis, priuilegiis, et immunitatibus, quibus vt praedictitur, ipsi ac eorum praedecessores vsque tempus praemissum freti sunt et gauisi, impedire, perturbare, et molestare, vllo vnquam tempore, nusquam et nequaquam praesumatis nec sitis ausi modo aliquali; quin imo eosdem, et quemliber eorum, ac ipsorum posteros omnibus libertatibus, consuetudinibus et priuilegiis eorum praelibatis pacifice et quiete, absque damno et molestia aliquali vti, frui, et gaudere sinatis et permittatis, ac permitti faciatis temporibus successiuis vniuersis, et in eisdem ipsos dum et quandocunque et quotiescunque necesse fuerit, protegatis, tueamini, et defendatis, et aliud gratiae nostrae sub obtentu non facturi, in praemisis Praesentes denique post earum lecturam semper reddi iubemus praesensanti. Datum Ferrariae, in festo exaltationis S. Crucis. Anno Domini MCDXXXIII. Regnorum nostrorum anno Hungariae XLVII. Romanorum XXIII. Bohemiae XIV. Imperii vero primo.