Unszern gepet zuvor. Lieben, besundern herren und frund! Wir lassen euch wissen, daz uns die von Tachaw hewt aber geschriben haben umb hilffe und piten uns von des cristlichen gelawben wegen, alz ir dann in ir abschrift wol vernemen werdt, die wir euch hirinnen senden verslossen, und piten euch mit besunderm fleisse, daz ir uns verschriben wissen last, ab ir in icht zu hilff kumen welt und ab si euch auch also schreiben umb hilff, wann si uns vir briff gesant haben. Auch, so ist herrn Erkingers knecht kumen heint von den Kolobranten von dem Libenstein und sagt, die hussen sammen sich starck und nimant wisse, wo si hin wellen und schüllen im Pilsner krais zusam kumen. Ewr verschribne antburt. Geben czu Waltsassen an sand Merteinstag anno et cetera xxi°. Bruder Niclas, abbt czu Waltsassen.