Ich Düring von Halbil bekenn mit dem brieff, das mich der hochgeboren fürst herczog Albrecht, herczog ze Österreich etc., mein genadiger lieber herr, hat geschaft mich ze ledigen aus der herberg in des Smerbecken haws ze Wienn, darin ich gelegen pin und geczert hab von dem suntag vor Margarete, als ich von der Ygla her aus geriten bin, uncz auf den suntag nach Mathey Apostoli, das bringet gancz aindleff wochen, die zerung alle gancz bringet uber all sach zwayundachczickk phunt fünff schilling und dreÿ phening, darumb mich ausgericht hat der erber Berichtolf von Mangen, hubmeister in Österreich, und sag in darumb an stat meins genädigen herrn des herczogen der sum geltes genczleich quit, ledig und los. Mitt urkund, geben cze Wienn am suntag nach Mathey apostoli anno Domini etc. vicesimo tercio.