Wir Wenczlab Fychnagl, Jane Turczko bekennen offenlichen mit dem briff vor allermenikleich, das wir mit wolbedachten mute unbetwungen aller sachen von aigener swier wilkur und guten willen uns vorbuden und vorbrifen bei unsern rechten treuen und eren und besunder bei dem hochsten rechten, das wir furbas mer kegen dem hochgeboren ffursten herzog Albrechten, herzogen zu Ostereich et cetera und margraffen zu Merhern, unserem genedigen herren, allen seinen undertanen leuten in steten, merken, dorffern, posadken, geslossern in allen seinen landen, wie do genant sint besunder kegen dem edlen Jacub Pücher, zu derselben zeit haubtman zu der Igla und all den seinen und besunder der namhafften stat Igla und irer gemein nimmer schadhafft wollen sein weder mit worten noch mit werken in kainerlai weis und ab sach were de denn got vor sei das wir das nichten hilden es were mit worten ader mit werken wo das geschee als es eben geschriben stet und wir denn des uberwunden winden mit zwein erbern mannen, so sei wir vornallen unser treu und unswer eren und unserer helfe an allewidered und des zu einer besundern zeugnus und offenwarung haben wir vorgenant wenn Fichnagl, Jane Turczko gebgen di namhafften Przibyk Pynta, Mykulasken von Prysnycz, Swarczen Nyklen vom Perg, das si ire ingsigel in und iren erben an schad an disen briff haben gehangen des zu zeugnus der geschriben ist zu der Igla noch Crists geburt tausent virhundert in dem acht und zwainzigisten jare am freitag noch Bartholomej et cetera.