Unser freuntliche, wilige dinst zu allen czeiten bevor. Lieben herrn und unser besunder gutte freunde! Eurn brieff, den hab wir wil vernummen, wir thun euch zu wissen, das wir von den Petr Spinler nichtcz anders wissen, den daz er gebont hat in unser stat ethliche czeit und wissen seiner laüff nicht und geschaft, und auch ist er unser mitpurger nicht. Auch liben herren und freunt, von der hussen und kcheczer wegen lassen wir euch wissen, daz sy ligen mit mocht vor Roben und der Szysku ist mit in und man wort in all tag gein Taust. Davon wissen wir nicht, wo sy hin wellen. Den ist, daz wir ichcz mechten derforen, das euch zu schaden schult kchumen, daz wellen wir euch bei tag und bei nocht gern wissen thun. Datum sabbato post Bonifacii anno et cetera xxi°. Rat der stat zu Tachau.