Vnsern dinst czuvor lieber frewnt vnd pruder. Wir senten unserm gnedigem herren dem kaiser ain prieff pey disem poten; den selben prieff von dem poten vnd antburt den vnserm gnedigen herren dem kaiser von vnsern wegen. Item wir schreiben sein gnaden, das der Blaschko maint vnser weingepirg mit gwalt abczulesen, well wir ym auer den czehent geben, so wil er vns vngehindert vnser weingarten lassen ablesen. Nvn haben wir das dem erczpischollff von Gran vnd dem grossen graffen vnd den andern vicariy vnd lanthern mit vnser erbern potschafft czu wissen tan. Nvn haben vns dy unsern vorschriben yn selbem vorschreiben wir vorsten von den lanthern chainer hilff hin fur von yn czu warten weder von des czehencz vnd ander beschirmufnfg wegen. Awch vorschreib wir vnserm gnedigen herren dem kaiser, das der von Dobeczaw Topleczan peseczt hat, vnd macht das von tag czu tag gar vest vnd niemant tutt darczu gar nichtz. Allso wist mit vnserm gnedigem herren dem kaiser daraus czu reden vnd das yr gesunt wart das hort wir gern vnd ewr hausfraw vnd dy tochter sind vrisch vnd gesund. Awch vorschreib wir vnserm herren dem kaiser, das sein gnad ewch nichurcz gnedichleich czu vnd vertig, darinn seit fleissig. Geben czu Prespurchk an sand Matheus abent apostoly anno et cetera XXXIII. Richtar vnd der ratt der stat czu Prespurchk.