Ich Thoman Hürnein, ich Kasparr Schallenberger, ich Wolfgang Swanvelder, ich Hanns Frenntzhawser, ich Pangrecz Hewperger, ich Vlreich Pühel, ich Peter Lyebusch, ich Andre Heczendorffer und ich Nikel Vein bekennen und tün kund offenlich mit dem brief, als wïr in des hochgebornen fürsten, herczog Albrechts, herczogen cze Osterreich etc., unsers gne^adigen herrn dïnst und sold zu der Igla gelegen und daselbs ettwevil scheden genomen und emphangen haben, also hat uns derselb unser gnediger herr von derselben sche^aden wegen, wie sich die üncz auf disen heutigen tag verlauffen und vergangen habent, genczlïch entricht und darumb genüg getan, daran uns wol benügt und sagen auch also denselben unsern gne^adigen herrn von der egenanten scheden wegen genczlïch ledig und los, also daz wïr darumb hincz dem vorgenanten unserm gnedigen herren, seinen lannde und le^awtten fürbasser chain ansprach noch vodrung nicht mer haben sullen noch wellen in dhainer weise an geve^ard. Mit urkund dicz briefs und so wir diczmals unsere insigel bei uns nicht enhaben, haben wïr mit vleiss gebeten die erbern weisen Petern Rogkendorffer, bürggraven, und Stephanen Walhe^ar, richter cze Egemburg, daz die ïre insigel czu gezewgnüss der vorgenanten sachen in und ïrn erben an schaden an den brief gelegt habent, darunder wir uns verpinden mit unsern trewn alles das stet ze haben, das vor an dem brief geschriben stet. Geben cze Egembürg an samstag vor sand Petronellen tag anno Domini millesimo quadringentesimo vicesimo tercio.

Tomann Hürmein XXXII guldein, dem Schalberger XX guldein, Swanvelder XXIIII guldein, Nikel Vein IIII guldein, Frewnczhauser ain pferd, Pangre^aczen Hewperger I tal., dem Půhel XXVIII guldein, Petern Liebusch I tal., Andre Heczendorffer I tal.

LXXXIIII tal.