Wir Sigmund, von gotes gnaden Romischer konig, zu allin zieten merer des reichs und zu Ungern, zu Behemen, Dalmacien, Croacien etc. kunig, embieten mannen und steten unserer lande Budiszein, Garlicz und Sittaw etc., unserin libin getruwen, unser gnad und alles gut. Libin getruwen! Als ir wol sehit, wie die vordamptin keczir dieselbin unszr landen den Sechsstetin mit nam, mord und brand leider vast angegriffin und vorterbt habin und tegelichin vorterbin und obirzihen mit groser macht, also gebietin wir uch ernstlichin und vestiglichin mit desim briffe by unsern hulden: Wurde sache, das dy vordampten keczir wedir zihin wurden uff dy genantn stete Budissin, Garlicz und Sittaw etc., wann das unszr voyte irfuren und erkenten und uch ermanten zu en inzurucken brifflich ader mundlich, das ein yderman, als he gesessin ist mit seinen gebuwern, alsdenne rucke in sien wigbilde, da he hin gehort, unsern voyten getruwelichen rate und helffe1

V předloze heffen.