Clemens Swobisdorff unde Hannos Richter und haben bekant von der ratmanne wegin, das am Montage noch circumcisionis domini vor die ratmane komen ist Hannos Rotchen unde hot uffgereicht Niclase Swydnitcz und Conrad Eysenreich czu Claren, Margarethen unnd Annen etwen Hannus Newmeisters kinder handin funfftehalbe marg czinsis, die her globit hot uff Bernhard von Aweris erbe und hauße gelegin under den hutterlaubin bey etwen Kolben erbe, das itczunt Peter Feygensteyn hat, mit alle dem rechtin, als er die gehabt het noch laute seynes brives, czu eyme rechtin kauffe. Auch habin globit doselbist meister Hannos Zeydenhaffter und derselbin Hannus Rotchen, ap dy kinder hernochmols keyn ansproche von desselbin Hannos Rotchens bruder von derselbe czinse wegen habin wurde geistlich ader wertlich, das sie das mit gesampter hand ungesundrt entwerren sullen und wellen bey alle erem gute farnde unde unfarnde, das sie haben hy ader anderswo ane wederrede etc.