Am Montage nach Purificacionis Beate Mariae ist vor uns komen der tuchtige Niclas Paschkewicz zu Grosendorfe gesessen, und hat bekant bey seinem eide, das czu santes Elisabeten tage nehstvorgangen zu im komen ist Verencz Procot eczwenn zu Czedlicz gesessen, und hat im vorgelegt, das her dem erben manne Reynharde von Prage unserm mitburger eczlich geld schuldig were, und umb seiner bete willen sey her mit dem egenanten Verencz gen Breslau czu dem vorgenanten Reynharte komen, der en mit guter und redlicher kuntschaft seiner bucher obirrechent hatte, also das im derselbe Verencz Procot XXII mark schuldig was, dorane her im seben mark ledig lies, und hette domete alle sachen zwischen den egenanten Reynharde von Prage und Verencz Procot gancz und gar czu einem fruntlichen ende entrichtet.