Ich Hertneid von Leichtenstein von Nicolspurg bekenn und tun kund offennleich mit dem brief, das fur mich kam der erber Larencz Puchenwortter und hat mit meiner hanndt gunst und willen seinem swager Andren dem Tengken ze Velsperg versaczt seinen czehent des sechs ganncze lehen sind ze veld und ze dorf der gelegen ist ze gestscheins in Velsperger pharr darauf zu den zeiten die hernach geschriben leut gesessen sein. Vonerst item Scheker ein behausts ganncz lehen. Item Colman ain behausts genncz lehen. Item Mert pricz ain behausts ganncz lehen. Item Dyetl weidner ain behausts ganncz lehen. Item allt reintalerum ain behausts halbs lehen. Item Hennsel bei der gassen ain halbs behausts lehen. Item Nikl Strobl ain halbs lehen ze veld. Item Serdl Staul ain halbs lehen ze veld. Das alles von mir und meinen erben ze lehen ist fur zwai und dreissigk phund wienner phenning der swarczen munss nach ausweisung des saczbriefs daruber gegeben und hat mich das also zubestetten daz hab ich getan und bestet es auch vorssentleich mit dem brief, was ich zerecht daran zubestetten hab oder mag als solhs saczs lehens und des lanndes ze osterreich recht ist doch mir und meinen erben an unser lehenschafft unengriffenleich angeuer mit urkund des briefs versigelt mit meinem anhangundem insigel. Geben ze Nicolspurg an samcztag vor sannd Merteinsntag nach Kristi gepurd virczehenhundert jar darnach in dem vier und zwanczigistem jare et cetera.