KOMPLETNI REFERENCE PUVODNI LISTINY
Z dorzálního regestu vysvítá, že původně byl tento plat vázán na domě
Dle originálu.
Dle originálu.
originál; pergamen
Rychtář in acie
mezi domy budějovických měšťanů řezníka pannum emere et inter pauperes in quadragesima cum aliis pannis tunc dividendis distribuere
, a to za spásu duší in domo habitacionis sue inpignerare
, zastavit koně, krávy a další movité věci, které tam najde, u Židů, a tím vyplatit původní zástavu. licebit tamen prefatum Jan … alium censum huic similem et eque certum in bonis civitatis nostre reemere, domum suam et aream libertando
. Stejné právo jako budějovičtí konšelé má v této věci kdokoli, kdo bude s jejich souhlasem vlastnit tuto listinu qui presentes … habuerit literas, eidem ius competit omnium premissorum
.
Nos Sigismundus Clariczii iudex, Petrus Hofleich, pro tunc magister civium, Nicolaus Piper, Wenceslaus Snokaws, Andreas Nersichgern, Henslinus Hardowiczer, Nicolaus Rabenhaup ceterique iurati cives in Budweis tenore presencium notum facimus universis, quod constitutus coram nobis honestus vir Jan de Bohdalicz, nobis concivis, recognovit et fassus est bona sua voluntate parique uxoris sue omniumque heredum et amicorum suorum consilio et assensu, super domo sua et area, qua inhabitat, inter domos Thomschonis carnificis et Wenceslai Rauch textoris in acie, concivium nostrorum, sita et locata, quadraginta duos grossos pragensis monete census sive pensionis per eum vel dicte domus et aree possessorem dandos et solvendos circumspectis iuratis, qui pro tempore fuerint, pro septem sexagenis grossorum se rite, libere ac legitime vendidisse, quemquidem censum sive pensionem promisit prefatus Jan et bona sua fide promittit annis singulis in duobus subnotatis terminis dare, persolvere et finaliter expedire, videlicet in festo sancti Galli nunc proxime venturo viginti unum grossum pragensis monete census et in festo sancti Georgi deinde continuo secuturo similiter viginti unum grossum census sive pensionis prefate. Si vero prefatus Jan vel dicte domus et aree possessor unum quemque censum in uno quoque dictorum festorum termino ad plenum non persolveret, tunc prefati iurati licite debebunt unum quemque censum in termino dandi neglectum statim die altera post cuiuslibet termini lapsum super dictam domum et aream in dampna Jan prefati vel dicte domus et aree possessoris inter Iudeos conquirere seu christianos, hominis cuiuspiam contradictione aliqua non obstante. Si vero presens litera vel aliud quodcumque pignus per dictos iuratos ob non solucionem census cuiuslibet in Iudeis obligatum aput eosdem per unum mensem integrum continuaverit, tunc ipsi iurati, transmisso civitatis nostre nunccio, prefatum Jan vel dicte domus et aree possessorem in domo habitacionis sue inpignerare poterint licite et debebunt, sibi equos, vaccas aut quascumque alias mobiles res ibidem repertas recipiendo et ea pignera recepta in Iudeis obligare cum eisdem pignera obligata, sique fuerint, redimendo. Pro quo quidem censu tenetur iurati predicti pannum emere et inter pauperes in quadragesima cum aliis pannis tunc dividendis distribuere pro remedio animarum Henzlini pannificis dicti Longhenzl et predecessorum eius. Licebit tamen prefatum Jan vel dicte domus et aree possessorem, quandocumque premissas capitales habuerit peccunias, alium censum huic similem et eque certum in bonis civitatis nostre reemere, domum suam et aream libertando. Et qui presentes cum consensu et bona voluntate iuratorum predictorum habuerit literas, eidem ius competit omnium premissorum. In cuius rei testimonium sigillum maius civitatis nostre presentibus duximus appendendum. Anno domini millesimo quadringentesimovicesimo tercio sabbato ante festum vinculorum sancti Petri Appostoli.