Unsern vruntlichen dinst zuvor, erbarn und weisen lieben frunde! Wir bitten euch fruntlichen, daz ir den unsern, die wir iczunde bey euch legen haben und euch zu gute, daz ir den wolt usrichten und leyen 9 schock, was do zu euch geneg und gebe ist, und uns daz furbas in euirm brife vorschriben wolt, weme wir daz von euerntwegen usrichten sollen, daz wollen wir gerne tun. Ouch wist ir wol, daz in desen leufften unsicher ist gelt obir lant zu furen. Ouch lieben frunde wir bitten euch zu bestellen, daz man von den unsern neme groschen und heller, was sie haben, und auch daz en die euern gutlichen wollen tun an der zerunge, daz wollen wir euch gerne danken und verdinen. Geben an der heiligen dreyen kunige tage undir unsirm stat secrete anno et cetera 31.

Ratmanne der stat Sweidnicz.