Nos Cunczo, Dei gracia episcopus Olomucensis et administrator ecclesie Pragensis, notum facimus tenore presentium universis, quod orta nuper inter dilectos nobis in Christo Erasmum, supremum fratrem ordinis cruciferorurm cum stella regule sancti Augustini de domo sancti Francisci hospitalis in pede pontis Pragensis ex una et Johannem Kyrnyk, fratrem laicum eiusdem ordinis, de et super magistratu dicti hospitalis et eius occasione partibus ex altera materia questionis serenissimus ac invictissimus princeps et dominus, dominus Sigismundus, divina favente clementia Romanorum imperator, semper augustus ac Hungarie, Boemie, Dalmacie, Croacie etc. rex, nobis materiam ipsam vive vocis oraculo commisit, discutendam. Unde partibus memoratis coram nobis hincinde personaliter constitutis ac super materia pretacta per nos diligenter ac aditis, quia ex infromatione nobis desuper legitime facta repperimus, dictum Erasmum ad magistratum huiusmodi canonice fuisse electum, literasque certi tenoris domini Sigismundi, imperatoris atque regis prelibati, coram nobis exhibitas eidem Erasmo super ipso magistratu fuisse concessas in materia ipsa et inter partes predictas disposuimus et ordinavimus ac presentibus disponimus et ordinamus eundem Erasmum circa magistratum hospitalis memorati, ut verum ipsius magistrum fovendum atque conscruandum fore ac foveri et conscruari debere. Volentes nichilominus, ut idem Johannes Kyrnyk et alii eiusdem ordinis fratres laici pro vite ipsorum sustentatione villas et alia bona immobilia ad hospitale predictum spectancia, que per Hussitas detinentur occupata, recuperare ac sine dictorum magistri et ordinis preiudicio possint et valeant retinere, donec et quousque bona ipsa dictorum hussitarum cessionem servicia per ipsius hospitalis pro tempore magistrum teneri possint atque gubernari. In cuius rei testimonium huiusmodi nostrorum ordinationem atque voluntatis literas inde fieri nostrisque sigilli iussimus appensione communiri. Datum Basilee in domo residentie nostre sub anno a nativitate Domini millesimo qudringentesimo tricesimo quarto, die vero Lune prima mensis Marcii.