Albrecht von Colditz et cetera voit zu Budissin und houptman der furstentumer et cetera an land und stete in Oberlausitz. Ich thu euch zu wissen, das mir her Bernhard von Donyn brieffe gesant hat, die ich euch sende et cetera. Dorin her mich und euch manet umb globde von seines slossis wegen Falkenberg. Liebin frunde, bitte ich euch, das ir mich sulcher globde benemet und ime seines slossis eine aussrichtunge thut, das her mich nicht dürffe bereden et cetera. Gebin uffm Grefenstein an der metewochen nach Petri und Pauli.