Testamentum Nicolai Sokolonis cultellificis de Praga nobis iuratis consilibus sic prout infrascribitur vulgariter extitit presentatum libro civitatis nostre iussimus annotari

Ich Niclas Sokol, mesrer von Prag, bekenne offenlichen, do ich zu der Igla krank lag, und derkant, daz meiner lebtag nicht me seint, do besant ich die erbern leute, den Stephan Smid, ein gesworn schepphen, und der Cristan Hackensmid, ein gemeinen man, und schuf dovor in mein ding mit guter vornuft und mit bedachten mut: Von ersten XVIII schok groschen bereites geldes, die mein bruder innenhat, daz er die der Vrsula, meiner hausfrauen, geben schol und III schock stein stohls, y ein stein fur XV groschen, so hab ich dem Jessko Kurzner zu Lewtmericz czu ubergolte schal, und sust ein silbrein schal unubrgolt; item ein silbrein pecher; item leffl mit silber beslagen; item ein silbrein gurtl ubergolt und ein silbrein unvorgolt; item ein rok mit fuxein pellicz und ein mantl mit einem underczug; item ein swarczer mantl der frauen und einen roten rok; item ein plaben golter; item ein swarcze haub, eyn czobl und ein par hozen; item ein swert, daz ist vor dem gehulcze vorgolt; item II schok pereites geltes minner V groschen, daz Peter Kuchensmid, mein bruder, alles ab er daz eingemanen hette, der Vrsula, meiner hausfrauen geben sol, als ich im des gelaub und getrau und er mir das gelobt hat zu tun. Item so hab ich schult gelassen, die man mir schuldig ist: Czum ersten der Greisßmesrer I schok groschen, dy im perait gelihen han; item Fasolt mesersmid von Prag II schok groschen; item Waldfogl mesmersic! I schok groschen; item Hannus Glazer mesrer I schok groschen und I schok an dem czinse; item Bernhart von der Nysse, des Jostes swager von der Nysse, tenentur II schok; item der Newman mesrer tenetur I schok; item her Vlrich priester, her von sant Apolinarii von Prag tenetur II schok. Dieselbe geltschult alle schaffe ich der Vrsula, meiner eelichen hausfrauen, und wo ir mein egenant bruder in dem obgeschriben geschefte ein ainfal machen wurde, do Got vor sey, so tet er meiner zelen einen grossen slag. Actum secunda feria proxima ante festum natalis cristi anno Domini M CCCCo XX primo.