Nos Conradus dei gracia sancte Pragensis ecclesie archiepiscopus et apostolice sedis legatus, magistro civium, consules et scabini ac communitates Maioris et Nove civitatum Pragensium. Tenore presencium recognoscimus universis, quod universis et singulis dominis abbatibus, prepositis, prioribus, decanis, archidiaconis, scolasticis, custodibus, tumbariis, cathedralium collegiatarumque ecclesiarum canonicis, altaristis perpetuis et cappelanis, ruralibus decanis, plebanis, viceplebanis et eorum vicesgerentibus per et infra civitatem et dioecesim Pragensem ac alibi constitutis quoatuor legis divine articulis assentire volentibus et in Rudnicz synodaliter ad literas et scripta domini archiepiscopi convenire, dedimus et virtute presencium damus securum et salvum nostrum conductum ab egressu omnium et singulorum supradictorum dominorum a domicilio seu habitacionibus ipsorum propriis usque ad regressum eorumdem ad propria inviolabiliter duraturum in Rudnicz veniendi, ibidem manendi et morandi et abinde viceversa libere recedendi salvis rebus ipsorum singulis pariter et personis pro nobis nostris ac mnibus aliis, qui causa nostri faciunt et dimittunt dolo et fraude quibuslibet penitus procul motis. Datum Pragae, sabbato post festum sancti Georgii anno domini millesimo CCCCXX primo et cetera.