Reverendis in Christo patribus administratoribus in spiritualibus archiepiscopatus Pragensis sede vacante auctoritate et dispositione iuris, nomine capituli, deputatis Ulricus de Rosis promptum in beneplacitis famulatum. Ad ecclesiam in Stropnicz per liberam resignacionem domini Diwissii, ultimi et immediati rectoris dicte ecclesie, vacantem, in qua jus patronatus atque presentandi habere dinoscor pleno jure, honorabilem dominum Johannem plebanum in Prziedol presentibus presento, cum et pro ipso studiosius deprecans, quatenus prefatum dominum Johannem de predicta ecclesia in Stropnicz investire et ad eandem confirmare dignemini et administracionem temporalium quam spiritualium in eadem, prout ad vestrum spectat officium, sibi graciosius committentes, de obvencionibus, fructibus, pertinenciisque singulis euisdem ecclesie faciatis nichilominus integraliter respondere. Datum et cetera.

Si vacaret ecclesia per mortem, tunc scribendum est: ecclesiam per mortem vacantem.