Unsern undertenigen willigen dinst. Hochgeborne furstynne, genedige vrouwe. Wir bitten uwer furstliche genade wissen, das sich dy weyßen nu an deßen nesten fritage derhaben haben vom Slan unde czyhen uff Lune, unde uns eygentliche botschafft kummen ist, daz sy vor uns und uns berynnen und belegen wullen czu der Awsig in dryen tagen, unde dy von Lutenbritz unde Sacz und andern eren steten iczlicher stat dy helffte uff geboten ist dy iczczunt alle czu czyhen unde sammeln sich by Lune. Dez selben glich wir dem heutmanne von Miessin ouch geschriben haben. Nu bitten wir uwer genade, daz ir von stunt bestellet mit uwern landen und luten, so sterkest ir kunnet, daz sy ane sumen keyn Pirne kummen unde da unser botschafft harren, wenne wir doch unser eygentliche botschafft by sy bestalt haben. Wo wir nu derfarn, da sy sich hen kern, daz wullen wir den uwern vort schriben keyn Pirne. Gegeben under Caspar Rechinberges ingesigel … dominica esto mihi.

Dytherich Poeg, Caspar Rechinberg iczunt czu Awsig.

Den hochgebornen furstynne und vrouwen Catherynan herczogynne czu Sachsin, et cetera.