Am dinstage noch Anthonii sint vor uns komen Heincze Tyle und Peter Feygenstein und haben globt mit gesampter hand ungesundter vor jungfrauen Dorothean, etwenne Vitus tochter von Prage, also ap Barbara, etwenne Wenczil Stupen tachter, wenn die mundisch wirt, sie ansprechen wurde, als von funffundfierczik schocke groschen wegin von gerechtis wegen, das alhie off dem rathuse hat gestanden und das sy empfangen hat, das sie dieselbe Dorothea wider gestellen sollen vor das recht alhie, und ir antworten, adir ire nehsten, ap sie gestorben were, wes sie dieselbe adir ire nehsten, ap sie von todes wegin bynnen des abeginge, zu ir zu reden adir zu sachen hetten bey alle irem gute farnde und unfarnde ane hindernis.