Erben und weisen, mein willig dinst wist vor als ir jecz dem hochgeborn fürsten, herczog Albrechten, herczogen ze Osterreich et cetera und marggrauen zu Merhern, mein gnedigen herren, geschriben habt, wie das mein gnediger herr, der kunig umb den Thabor mechtiklich ligen solde und den gewunnen hette, lass ich eu wissen, das darumb hie niemand soll botschafft komen, noch auch kund ist dauon bedürft ir eu, vererer nicht zebekummern von der leuf wegen, so ir meins herren gnaden geschriben habt, das ist im zu sundern dankch, ob ir hinfuricht mër werdet gewar, die lasset meinen herrn wissen, meins herren gnad, hett eu selb auf euer schreiben geantwurtt, so ist er jecz auf dem aufpruch in das veld zeziehen und mit andern sachen bekumten und mit mir verlassen eu daruber zeschreiben. Als ir mir dauon sunderlich schreibet, und danket von furdrunng wegen, lass ich eu wissen, wo ich eu gediennen mag und den euern, das ich das gnad tuo. Geben ze Wienn an montag in die visitacionis Marie XXXI^mo.

Berchtolt von Manngen, hübmaister in Osterreich.