Dorothea, relicta Johannis Olessak de Nesper, protestatus est coram beneficiariis Pragensibus, quod hereditatem suam in Zdebuzewsy, municionem, curiam arature cum araturis, villa, curias rusticales cum censu, agris, pratis, silvis, rivis, piscinis, iure patronatus ecclesie et omni libertate ad ea pertinente, cum pleno dominio ita et in eo iure, prout sibi tabule et littera tabulis terre inserta plenius testatur, nichil iuris et dominii sibi amplius ibidem reservando, vendidit Johanni de Kunstatu et suis heredibus pro quadringentis sexagenis grossorum et fassa est se easdem pecunias ab eo plene percepisse et ei de dicta hereditate hereditarie condescendit. Disbrigare debet ipsamet vendens tantum ab omni homine iure terre et specialiter a dotibus et orffanis, ut iuris est terre. Quod si non disbrigaret, tunc Pragenses beneficiarii debent inducere ipsum ementem super hereditates vendentis, ubi habet aut habebit in tercia parte plus peccunie antedicte nomine pene et impensarum omni absque citacione tanquam in iure obtento. Actum anno domini MCCCCXXXVII feria VI ante Symonis et Jude.