Ich brudir Veczencz Comptor czu Breslaw czum Heyligen Leychnam bekenne offintlich yn desim bryefe allen, dy en seen adir hoeren lesin, das uor mich komen ist Jocob Gaerlicz czum Newdorff unser undirsesse und hot bekannt, das her recht und redelich hot uorkowft der kyrchen czum heyligen leychnam eyn halb schok minus 1 gr. czynses off seyn erbe unde off alle seyn gut, dass her hot und besitczit czum Newmdorffe, ume sches (!) marg grosschen behemyssher moencze polnysscher czal, do von globit der egenante Jocob Gaerlicz und seyne rechten geerben und nochkoemelinge der kyrchen yerlich eyn halb schok minus 1 gr. czu geben im neeste of sinte Michils tag an czu hebin und alzo uorbas yerlich off den geschrebin tag ane arg czins czugeben, doch mit suelchir undirscheyt, wenn is der egenante Jocob Garlicz adir seyne geerben und nochkoemelinge vormag adir vormoegen, zo salen guennen dy kyrche daz vorschrebene halbe schok minus 1 gr. czins wedir abe czu loezin und czu koewffen ume sechs mark grosschen unschedelich vorsessin czinsin noch wachinczal und och unschedelich des kompters erbe czinse und seynen rechten, des czu bekentenisse habe ich obgenanter Comptor meyn ingesigel gehangen an dessin bryeff, der gegebin ist noch gotis gebort vyrczanhundirt jor dor noch yn dem czweundeczwenczigsten jore an sinte Urbanis tag.