Wir Wencezlaw von Donyn, rychter, Hanman Alder, Niclas von Pisk, scheppenmeister in den czeiten, Hannus Spisglas, Hannus Remswergk, Cristan Goldsmid, Peter Kremniczer, Francz Geyer, Hannus Cammer, Hannus Lemmel, Stephan Czymmerman, Hanko von Rosental, Herman Gros und die andere schepphen gemeinlich des Berges zum Chutten, bekennen und tun kund allen den, die nu sein ader hernach kunfftig werden, das fur uns komen ist in eynen follen rath, da alle ding kraft und macht nemen und behalden, der erbir Paul Meyler, unserer libet mitburger, und hat bekant mit wol bedachtem mut, williklich, unbetwungen von sein allin, seiner erben und nachkumlingen wegen, wie das er recht und redlich vorkauft und aufgebin habe, vorkauft und aufgibt mit kraft dicz brifs auf sein erb und gut genant Truhanicz, gelegen in Czaslawer kreys, uf allen und yczlichen seinen zugehorungen, mit welchen namen die genant mogen werden, czehen schock guter grosser prager pfenning jerlichs und ewiges czins dem bescheiden Andres Ratborer, auch unserm liebin mitpurger, seinen erben und nachkumlingen umb hundert schock guter grosser, die der vorgenant Paul von dem selbin Andres mit bereitem gelt gancz und gar eingenumen hat und emphangen, zu gebin und zinsen, ein helfenteil des egenanten czins, das sint fumf schock guter grosser prager muncz, uf sant Merteins tag, der nehest kunftig wirt, und das ander halfenteil, das sint auch fumf schoek der egenanter grosser, uf die pfingstein, dy darnach am nehisten volgen, und also zu tun und czinsen uf die selber czinstege jerlich und ewiclich, als ezins recht ist, unvorczogenlich und an alles widersprechin in czukumftigen czeiten. Wer aber sach, ob der egenant Paul sein erben und nachkumlingen ader dy besiczer des vorgenanten erbs und guts zu Truhonicz an beczalung des egenanten ezins saumig wurden, zu welichem czinstag das geschee, do got fur sey, so sal zuhaut uf ein vezlichs schock grosser des vorsessen ezins alle wochen, die weil der czins unvorgolden ist, sechs gros zu rechter ezinspus gen und wachsen. Wen den der egenant Andres, sein erben und nachkumlingen des vorsessens czins mit sampt den pusen dy doruf gangen und gewachsen weren, nicht lenger peytin nach enperen wolden, so mugen sie mit eygner kraft ader mit hulf des richters und scheppen des Pergs zum Chutten, dy in czeyten sein werden, ader mit macht aller und yczlicher, der sie darczu geniesen mugen, das obgenant erb und gut zu Truhonicz und alle seyne varende unde unvorende habe pfenden, die selben pfant treiben, tragen, furen, czu vorkaufen, zu verseczen, geteilt ader miteinander, umb den vorsessen czins und um die pusen, die sich darauf gepuren, an ufgebot eins yezlichen gerichtes under cristen ader juden mit vollem rechten, und das so oft zu tun, als oft der czins mit seinen pusen zu sein gewonlichen ezins tegen plib unvorgolden. Und wer den gegenwortigin brif hat mit des oft genanten Andres guten willen, dem gepuren alle vorgeschriben recht. Dyser sach zu eyner steten und ewigen sycherheit haben wir obgenant richter und scheppen des Pergs zum Chutten unser gemein insigel das groser czu geczeuknuss an diesen brif gehenget, der da geschriben ist nach Cristi gepurt tausent vierhundert und darnach im dem ezweinczigistem jare des mantags in Pfingst heiligen tagen.