Commisio propria domini imperatoris.

Sigismundus dei gracia Romanorum imperator semper augustus ac Hungarie, Bohemie, Dalmacie, Croacie et cetera rex, fideli nostro famoso Blaskoni de Wezele, salutem et gratiam. In personis universorum civium hospitum et populorum, nostre civitatis Posoniensis, nostre expenitur maiestati, quomodo tu ipsos racione et pretextu quorundam quadrigentorum florenorum auri puri, quibus eos tibi debitores fore allegares diversimode impedires, molestares ac perturbares, plurimisque contumeliis et vituperiis affeciffes, unde quia, nobis in dictum regnum nostrum Hungarie regrediens, de vinum et singulis debitis, quibus dicti cives nostri, tibi obligati fuerant, per nos tibi condignam satisfaccionem impendere et exhibere, teque superinde contentare et contentum reddere volumus, ideo fidelitati tue firmiter percipiens mandamus, aliud habere nolens, quatenus, agnita presencium noticia pretactos cives nostros Posoniensis, racione et pretextu pretactorum debitorum usque nostrum felicem, in dictum regnum nostrum Hungarie, fiendum, adventum, impedire et molestare aut diampnificare, minisque seu contumeliis ac vituperiis afficere nullatenus per sumas, nec sis ausus modo aliquali, sed satisfaccionem, de huiusmodi debitis tibi faciendam, non ab ipsis quibus, sed a nostra prestolari debeas maiestatis, presentibus perlectis, si secus feceris exhibenti restitutis. Datum Prage, feria sexta proxima ante festum nativitatis beati Iohannis baptiste, anno domini millesimo quadringentesimo tricesimo septimo, regnorum nostrorum anno Hungarie et cetera L° primo, Romanorum XXVII°, Bohemie XVII°, imperii vero quinto.