Catherina von gots gnaden herczogynne zcu Sachsen und marcgraffynne zcu Miessen.

Liben getruwen. Wenn uns abir warnunge und botschafft kommen ist, wye die ketczer isch groß sterken und sammeln und Awsk bestallen wollen, als ir das in dissem ingeslossenn briffe werdet eintel vernemen, darumbe begern wir von uch mit ganczem fliesse, das ir von stund euwer schuczen, die uch zcugesaczt sien, ußrichtet und bestellet, das die ye ane sumenisse uff dissen fritag gein Pyrne kommen und die uff das neheste czihen lasset und mit allen sachen dar noch schicket, wenn wir uch ander botschafft thun werden, das ir mit ganczer macht gefolgen moget. Und vorhaldet das nicht, dar an tut ir uns wol zcudangke. Gegeben zcu Grymme am dinstage noch Esto mihi anno et cetera vicesimo sexto.

Dem rate zcu Lipczk unsern liben getruwen.