Unser gepet zuvor lieben herrn und frunde! Alz ir uns verschriben habt, wi knisi Procop umb Luticz lige, nu ist uns kuntschaft nechten vorn Tachaw kumen, und hat davon gar noch nicht gehört, denn si ligen noch vor dem Libestein und eins teils umb die heide, und di von Pilssen und andern herrn und der Dursko schullen sere mit in teidigen, oder waz si teidinge, des kun mer nicht gewissen, denn wir wellen von stundan unser kuntschaft wider ein hin gein Pebem tan und senden, und waz wir treffenlicher mere hören, daz wol wir uch an verzihen wissen lassen, und ab ir hört, daz si heraus zugen, daz lat uns auch wissen. Auch dank wir uch eur mue mit fleisse. Datum Walkenburg in die nativitatis beate Marie anno domini et cetera XXX°.