Liben herren! Ich laz euch wissen, daz ich pin vor dem rot gewest und pei dem purgermaister, di mir haben zcu gesagt. Di haben ir kuntschaft dor über gehabt, daz sie ligen pei Doxa mit dem here und schermüczen und heczen alle tag vor Prugze et cetera. Auch ist der Jakuka an mitboch auch zcu dem her ist kumen mit seim folk und ist feint worden dez alten hern von Saxen, der alt und der jung Jacuka mit enander. Ach thu ich euch zcu wissen, alzo alz ich pin von euch aus geschicht, alzo so wist, daz ettleiche rede get zcun Kadan und auch andern enden, daz man redt, wie sie willen haben, ein weil über walt, ein weil hin auf gen Eger in daz lant, besunder so ist ez in czweivel. Villeicht kan der von Eylwurck und andree seine jüner und herren. Wen daz her gar czu sam kümpt, so ist zcu besorgen, si würden czihen gen Eger und dar nach wast hin gedencken. Dar umb so habt euch in warnung alzo lang, pis ich selber kan kumen, alz ir mir den enpholhen habt. Geben zcu Kaden.