Wenceslaus dei gratia Romanorum rex semper augustus et Bohemie rex notum facimus tenore presencium universis, quod cum Bedrzich de Rziedhosst nobis dilectus villam Riedhosst ad hospitale sancte Marie de humilitate sub Wyssegrado in Noua ciuitate Pragensi pertinente a domino Conrado sancte Pragensis ecclesie archiepiscopo deuoto nostro dilecto ordinario dicti hospitalis prouisore pro certa summa pecunie vere empcionis titolo emerit, prout in has eiusdem domini Conradi de superfattis plenius continetur, nostramque ad hoc voluntatem regiam pariter et consensum ut sibi dare dignaremur postulavit. Nos non pariter errorem aut improvide sed animo deliberato prefati Bedrzich servicia ispsius fidelia pensantes, ad predictam ville empcionem benignius annuentes, ipsam confirmavimus et virtute praesencium regia auctoritate Bohemie de certa nostra sciencia gracio suis confirmamus. Decernentes et expresse volentes, quod prefati Bedrzich et ipsius heredes dictam villam Riedhosst nunc et in antea in perpetuum iure hereditario impedimentis quorumlibet hominum proculmotis valeat et gaudeant possidere. Mandamus igitur regni tabularum officialibus fidelibus nostris dilectis dictam villam Riedhosst dicto Bedrzichoni ipsius quoque heredibus et successoribus prout ius regni requirit realiter annotari presencium sub sigillo nostre regie maiestatis testimonio literarum. Datum Prage anno domini millesimo quadringentesimo decimo octavo, die quarta decima septembris regnorum nostrorum anno Bohemie quinquagesimo quarto, Romani vero quadragesimo primo. Ad mandatum domini regis Jankonis Sadlo referente Johannes de Bamberg.

Nos Conradus dei gratia archiepiscopus Pragensis et apostolice sedis legatus. Notum fieri volumus uniuersis, quod sapientes ex animo nostro hospitalis sancte Marie de humilitate in Noua Ciuitate Pragensi sub Wyssegrado condicionem prout tenemur facere meliorem, nichilominus habita super hoc dicti hospitalis nostri officialibus et procuratoribus longa deliberacione et tractatu matura, villam nostram et dicti hospitalis nostri Riedhosst cum omnibus juribus et pertinenciis prout ad nos et dictum hospitale spectabat famoso Bedrzichoni et ipsius heredibus et successoribus de Riedhosst pro certa pecunie summa, quam nobis plenarie persoluit, justo vendicionis titulo et auctoritate nostra ordinaria vendidimus et virtute harum vendimus imperpetuum possidendam. Et ne dictum hospitale nostrum occasione huiusmodi et dicte ville Riedhosst vendicione dampnum exinde sorciat ymmo commodum percipiat affuturum de nostri Pragensis capitoli ecclesie voluntate plenoque consensu villam nostram et dicte ecclesie Pragensis dictam Nowa Wes prope Brodam Bohemicalem cum omni jure ad dictum hospitale nostrum dedimus et conuertimus nunc et in perpetuum habituram. Ceterum dicto Bedrzichony, heredibus et successoribus suis nostro et successorum nostrorum nomine promittimus dictam vendicionem tenere et habere ratam et firmam omni impedimento procul moto. In cuius rei euidenciam praesentem literam nostro sigillo fecimus roborari. Datum Rudnicz anno domini millesimo quadringentesimo decimo octauo die vicesima mensis iunii.

Nos magister ciuium consules et scabini Maioris Ciuitate Pragensis tenore praesencium recognoscimus uniuersis, nos literas quarum transsumptum superius de verbo ad verbum plenius expressatur, in omnibus ipsarum clausulis punctis articulis et sigillis, saluas integras non viciatas non cancellatas nec in aliqua parte suspectas, sed omni prorsus vicio et suspicione carentes vidisse et legi audiuisse, harum quibus ciuitatis nostre secreto sigillum praesentibus est sub appensum testimonio literarum. Datum feria tercia ante festum omnium sanctorum anno domini millesimo quadringentesimo tricesimo sexto.