Mein dinst zuvor, liben herren! Als ir euir diener Erhart Kuchberger kein Gorlicz gesant hat zu derfaren umb die geschicht und zeitunge, alz tuhe ich euir weisheit zu wissen, wie desen tag eine bote komen ist von Nwremberg, und der ist zu Nwremberg ausgegangen an der metewoche vor assumptionis und hat mir vor wore gesagit, das die kurfursten und die richstete weg sin gezoge und der cardinal auch an der metewoche vor assumptionis von Nwrenberg gezogen ist an den Reyn. Und hore nicht von keyme zoge, den sie wedir uff dese zeit ken Behem wedir tuhen welden. Und die hussen haben Tachow gewunnen, und das ist geschen, das fuer in der stat ist angelegit wol an vier enden, das sie vor fuer not nicht wol geweren mochten. Und ligen noch doselbist und die gemeyne rede gehet, das die ungetrauhen keczer vor Eger wollen. Item tuhe ich euch zu wisse, wie das der rat von Gorlicz vornomen hat von eime bannerherren ausrichtunge, wie sich die sachen vorlauffen haben; do bie ich gewest bin und auch selber muntlichen von im gehert habe, der in dem here mit gewest ist: Wie das der junge margreffe von Sachsin und der junge margreffe von Brandenburg woren beytende des bischoffis von Trire und der Beyerischen herren und der richtstete und hetten gerne gesehen, das sie zu en komen weren und in das lant zu Behem in das mitteil gezogen weren und einen zog gatan hetten, das die hussen nicht hetten zusampne komen. Alzo schreben die Beyeryschen herren und die richstete, sie welde vor die Myze rucken und die belegen, das sie mit erem gezuge zu in vor die Myze queme. Alz werten die zwene margreffin und zoge zu in vor die Myze und tetingeten mit in wol 5 tage, das sie gerne hetten brocht, das sie eine zog hettin getan mitte in das lant. In des hattin die ungetrauhin husse eine samelunge gemacht, das sie nicht, wenn 3 myle, login mit macht von der korfursten here. Do woren die kurfursstin zu rate mit den richstetten und richten aus bie 4000 pherden, das sie sulden zue den hussen zuzihen und sulden mit in scharmisseln und helde uff sie machen. Und do sie zu den hussen zogen, do quam in botschafft, das die hussen ken in zogen, do wurden sie wendig und karten wider umb und quomen umb mitternacht in das her und mochten ein geschrebe, das die hussen quemen. Alz woren vil, die sich dovon machtin. Do waz der kardinal und hatte das babist panyr uff gewurffin, do zogen die furstin und herren dorundir, und do der kardinal sach, das das folg kume halb do waz, als an dem andern tage waz gewest, do nam der kardinal und sprach zu den herren: Lieben herren, no is also zuferit, das also vil leute weg sin, so mochte wir grosen schaden nemen. Mit dem brochen sie uff und zogen do von und zogen waz ken Tachaw. Do wurden sie eins und wulden wedir ken den hussen sin gezogen, do machtin sich vil heymelich weg, also das sie duchten, sie weren den hussen nicht stark genug und zogen dovon. Geschreben an der metewoche vor Bartholomei zu Gorlicz.

Caspar Lolaw.

Item wisset, das die Sechstete Hannus von Polencz haben uffgenomen, das er sul sin als ein verweser uff unsers genedigen herren des koniges wolgefallin und sal bie in zu der Sittaw legin mit fulke und mit rysigen habe und sullen im gebe uff das phert 24 groschen die wuche. — Item tuhe ich euir wiesheit zu wyssen, das der herzog von Sachsen mit den Sechstetten wird uff den nehisten fritag einen tag habe umb einunge ken den ungetrauhen hussen. Do habe ich eurem diener geraten, das er mete dohin reytte, do wirt er alle ding eygentlichen dirfaren. Auch huffe wir, das Hannus von Polencz und die lant und stete und Lausiczczer lant auch eine einunge mit den herzogen in der Slesie und steten werden machen also ober die hussen, das wir eine ander helffin, ab ein land von den ungetrauhen keczer ober zogen werde, do got vor sie. — Item wisset, lieben herren, das die ratmanne von Budissen, die desen tag zu Gorlicz gewest sin, eurem diener auch vorzalt habe wie das sich die sachen in dem here verlauffin hetten, noch dem alz ich obene geschreben haben. — Item hat im Cunrad von Prage ictunt wonhaffting zu Eger gesagit, wie das die hussen wege gemacht haben obir den walt ken Eger wert an dryhen enden; und der ist desen tag vom Eger komen und hat im auch gesagit, das die korfursten und richstete weg sin, und Hannus von Polencz im auch das vor wore gesagit. Geschreben zu Gorlicz an der metewoche vor Bartholomei.

Caspar Lelaw.