Catherina, von gots gnaden herczogynne zcu Sachsen unde marcgrafynne zcu Missen et cetera.

Liben getruwen. Wenn die ketczer die Lype, slos unde stad, gewonnen haben, nu komet uns tegelich botschaft, wie die uff dem wege sin unde Brux adir Aussk meynen zcu belegen unde zcu gewynnen unde denn furdir in unser land zcuczihen. Dieselbin stete wir mit der hulffe gotes, dem almechtigen gote zculobe, der cristenheid zcu nuccze unde fromen wol hoffen zcuretten. Dovon begern wir ernstlich, das ir geritten unde uff wynen mit ganczir macht uff den dinstag nach Bonifacii gein Dresden komet unde hantbuchsen unde tarrasbuchsen, pulver unde ander gerete dorczu unde ouch die domitte konnen, so ir ymmer meiste moget, mitte nemet unde uch mit spiise unde andern dingen so doruff richtet, das ir virczentage zcu felde geharren moget, unde uwern obirsten burgermeistir mitte cziihen lasset unde domitte mit nichte sumet, wenn ir wol irkennet, das is not ist.

Dem rate zcu Lipczk, unsern liebin getruwen.