Unsern willigen und fruntlichen dinst zuvor, erzamen weiszin liben hern und besunder günstige liben frund! Als euwer fruntschaft uns geschreben hat von sulchs zoges wegen, den sich dy erleuchten und hochgebornen furstin sich mit andern herrn, ritter und knechten und mit den reichstetin gein Behem uff Petri und Pauli der heiligen zwelffboten 29. června voreynet haben, uff den gerumten tag nu neste vorgangen an dy grenicz zu komen et cetera, das haben wir allis wol vornomen. Nu thun wir euwer fruntschaft wissen, liben herrn und fründe, das unsere gnedige hern die boschoffen von Wirczburg und Bamberg und auch unsir gnediger herre marggraff von Brandenburg und andirn hern grefen, ritter und knechte mit gezeuge und mit macht alz am neste freitage und sonobend noch Petri und Pauli 4. a 5. června zu uns gein Eger komen und bey uns und umbe uns ligende bliben bis uf den nestin sonobend dornoch vor divisionis apostolorum 12. července und sy doch von uns und auch die unsirn mit sampt en furder hinin gein Beheim rucken. Und di seint als gestirn 20. července noch under Petirsburg gelegen, dobey unser gnedig herre herzog von Sachsin mit seyme volke auch ligende ist. So sint der bischoff von Tryer, der cardinal und auch herzog Hanns und herzog Ott mit andirn freyen herren, grefen, ritter und knechten und richsteten als in der vorgangen wochin zu Nuremberg gelegen und sein also gestirn umbe Tachaw und Plon gelegen und zihen als heute 21. července fürder hinein ken Behmen; und haben zu male sere grose macht in beyden heren und meynen sich auch vor dy Myes und andir stete zu legen, als wir das denne eigentlichen vornemen. Und dornoch wisse sich euwir libe zu richten. Wenne was wir euwir fruntschaft in den adir andirn sachen zu lieb und zu dinste getun kunden adir mochten, das wollen wir mit ganzem fleysze williclich gerne thun. Datum am montage vor Marie Magdalene anno et cetera 27.

Der rat zu Eger.