Přepis regestovaného dokumentu

Domino Haskoni.

Unsern willigen Dinst zuvor, Edler Herre, besunder liber gunner. Als uns ewere gnade zugeschriben hat von des Fridesanstellung, so Ir mit dem Thowaczawr drei wochen nach sand Jorgen tag betaidingt habt, dorzu wir auch neben des Thowaczawrs besuchung gegen Im verhangen haben, uf das, als ewere Edlkeit uns sulchs dafur vermeldet hett. Nu wolt derselbe von Thowaczow, das wir uns sunderlichen mit Im sulch obgemelte czeit verschriben hetten, das uns nicht deuchte zuthun, sunder wolden gern benugt haben an dem, wie ewere gnad suchen sic Fride mit Im beslossen hett, dem nach zu kumen, wann wie offt er und Herr Wock Fride mit uns ufnemen, so wird uns der nymmer nicht gehalden. Als und in dem Fride, den wir diese czeit mit In haben gehabt, unsere lewte von den Iren berawbt und unmenschlich gemort sein. Auch so haben unsere Soldner rechter Strasrawber wier an warer stat, das sie arme lewte, mannen und Frawen berawbt haben, begriffen, zu den wir nach weisheit vil Frumer lewte, die uns underweist haben, das sie rechte Strasrauber und morder sein gewesen, als und sie dasselbs bekant haben lassen richten. Dorumb sich nu der Thowaczawer annympt, uns lesterund und manunde des Frids, den er mit uns unczen uff Georgii nechst vergangen hat betaidingt, haben wir manicherlai entrichtung, das sie nicht sein geweren sic sein, und ab sie dann sein gewesen weren, sintemoln sie ym Fride gerawbt hetten, so hett der Thowaczawer pillicher den Fride zuprochen. Dorumb und er zum anen were, biten wir mit Fleisse, uns doryn zuraten, sintemoln er uns sulchen Fride, so Ewer gnad mit Im gemacht hat absagt, wie wir uns dorinnen halden sollen. Datum F. III post dominicam Quasimodo geniti, anno tricesimo.