Přepis regestovaného dokumentu

Minen willighne usw. Ich laszen uwer ersamen wiszheyd wissen daz ich von den gnaden gotdiz ledig und losz ben meynes sweren gefenkeniz. Diz han ich dem almechtighin gode, synner werden muther Marien und allen heiligen wol zu dancken, und auch besundirs myme lyeben gnedighin hern dem keyszer, der alsollichin gruszen ernst, moee und kost hayd gehabet, und meren synne frunde kostlichin geschecket hayd mych zu hollen und gen Prage zu furren. Und alz wir gen Prage quamen in der nacht, da fürthen mych die herrn von stund zu myme herrn, alz er daz auch denselben herren befollen hatte. Als quamen wir zu myme herrn obbir thesze, da wart unser herre zu frolich und enphing mich armen zo fruntlichin met fillen warthen, alz ich das, ob got wil, eynez theylez wol erczelen sal, za mer got zu uch helffit.

Lyebe herren! Ich han die Heynauszen hij funden, und auch darnach gelernt waz irs gewerbiz ist. Und inne uwern sachen hoffin ich, iz solle und musze bliwen bij der lesten klerunge. Sy han fyle geltdiz gebotten, iz sal sye, ob got wil, nyt helffin. Ich wil darwider synne, und hoffen iz dabij zu behalden. Ich finde und mercke wolle, daz daz ding unsern gnedighin herrn den keyszer selbiz personen wirt und sal vorseen werden. Man keyffit umb gelt waz man wil etc. Lyebe herren! Ich weisz uch nacht nicht nüwe mere zu schriben, dann alsbalde alz ich met echtes mag, zu wil mych auch herheben zu uch, ab got will, zu kommen. Gegeyben under mynez weyrthiz pheczheyd uff sancte Dorothentag in dem xxxvii. iar.

Walther von Swarczenberg.