Přepis regestovaného dokumentu

Glacz. — Johannes Cralewicz et Johannes de Duba etc. vicarii in spiritualibus archiepiscopatus Prag. etc. Noueritis nos litteras in pergameno scriptas super dotacione altaris Corporis Dominl nostri Ihesu Christi, gloriose virginis Marie et aliorum sanctorum et sanctarum in eccl. paroch. in Glacz... nobis per d. Johannem Trewchwein, altaristam in eccl. paroch. in Chrudim Luthom. dioc., pro parte famosorum Conradi, Nicolai et Johannis Panewicz de Lompnicz presentatas... recepisse... sub hiis verbis.

Reuerendis patribus et dominis vicariis in spiritualibus archiepiscopatus Pragensis sibi fauorosis Conradus, Nicolaus et Johannes dicti Panewicz fratres de Lompnicz, armigeri Prag. dioc., quidquid poterint seruicii et honoris. Notum facimus per presentes, quod Johannes Reichner felicis memorie, ciuis in Hawelsswerd,... pro remedio et salute anime sue de bonis suis post mortem eius derelictis testamentum perpetuum fieri disposuit pro altari de nouo erigendo. Huius autem testamenti certos testamentarios, videlicet Tytum cultellifabrum et Augustinum pellificem, ciues ibid. in Hawelsswerd, constituit... Qui quidem testamentarii de d. Johannis Trewchwein presbyteri de ibidem, altariste in Chrudim... probitate et virtutum meritis confidentes ei... paratam dederunt... pecuniam ipsumque in futurum altaristam eligentes, ut ipse sibi suisque successoribus altaristis certos annuorum reddituum census emeret ... et secundum suam voluntatem altare de nouo racione perpetui testamenti erigeret.... Cum quo testamento... d. Johannes Trewchwein volens fideliter agere, certos census octo marcarum grossorum pragensium minus sex grossis grauis numeri et pagamenti, sexaginta quatuor grossos pro marca qualibet computando, in certis bonis ... pro altari ... emit... locum vero altaris huius in eccl. paroch. in Glacz Prag. dioc. de consensu plebani eiusdem eccl. in honore Sacrosancti Corporis Christi, Beate et gloriose virginis Marie, Anne, Dorothee, sanctorum Petri et Pauli et Mathie apostolorum, Wenceslai martiris et Thome de Aquino confessoris erigendi et consecrandi elegit, cuius jus patronatus ad nos et nostros heredes... iure pertinet... Emit itaque et ordinauit, ut pretactum est, videlicet in Arnoldsdorff quatuor marcas gross prag. minus quatuor grossis numeri et pagamenti predictorum in bonis Nicolai Tham de Panewicz, tres marcas super agros laicorum, qui censuant, videl. Peschke de quatuor virgis, Frenczke de quinque, Petir Jacober de octo, Hannus Olsleger de octo et Jekil Dresscher de decem virgis et vnam sexag. in bonis Bernhardi de Mosschen super agros laicorum, Sigmunt cum quatuor virgis et Jacob Fisscher cum septem et dimidia virgis, in Wolfilssdorff duas marcas in bonis Johannis Glaubicz in et super allodio eius ... et super aqua seu piscatura ibidem et super laicos in superiori villa Wolfilssdorff, videlicet Jurge Weheler ?, Lorencz, Gotwolt, Mertein Behem, Andres, Wilhelm Schafrothin, Mathis Potenstayn, Close Schindeler, Niclos Losser et Niclos Molner, in Hawelsswerd alteram dimidiam marcam gross. et pagamenti, quibus supra, supra Tytum cultellifabrum... super domo et area... eius in acie ex opposito Johannis piscatoris domus prope Hempynne situata et in agris seu pratis eius iuxta aquam Plomnycz prope tempe seu prata Johannis Schofrichter et Johannis Hawg conciuium ibidem situatis, et in Tolemberg dimidiam sexagenam gross. prag. in et super Steinbrecher Nicolaum et agros eius et super omnium predictorum bonorum ... possessores, prout in quinque litteris desuper confectis plenius continetur. Qvas quidem litteras huiusmodi census continentes in pergameno scriptas vidimus ... et prefatus d. Johannes easdem coram nobis sanas... tres videlicet sigillo... d. Johannis, ducis Rathiborie, protunc capitanei Glacensis, sigillatas pendenti in pressula pergamenea de cera glauca rubee cere inpressa figure rotunde, in cuius medio aquilla alis extensis apparebat, littere vero circum ferenciales erant tales: „S. Johannis Oppauie et Rathiborie ducis“, vnam super tres marcas in Arnoldsdorff, secundam super vnam sexagenam ibidem et terciam litteram super duas marcas in Wolfilsdorff, quartam super alteram dimidiam marcam in Hawelsswerd sigillo Johannis de Mosschen advocati ibidem pendenti sigillatam figure similiter rotunde de cera alba, in medio cuius clippeus sculptus duobus cornibus, super quem galea similiter duo habens cornua apparebat, circumferenciales vero littere erant tales: S. Hannus Messchen“, quintam vero litteram super dimidiam sexagenam grossorum Tolenberg sigillo Nicolai Gencz appenso sigillatam et super laicos, domos, agros, areas et laicorum eorundem successores ... exhibuit et presentauit. Cum tales littere propter insecuritatem et viarum discrimina periculosum esset hincinde deferre, quia annichilatis litteris possit et annullari testamentum, et materie prolixitatem et scripture difficultatem de verbo ad verbum transscribere et transsumere nimis foret tediosum, nos autem circa predicta tamquam veri patroni et collatores curam gerentes, de premissis omnibus et singulis fidem facientes reverenciis vestris humiliter et affectuose supplicamus, quatinus prefatum altare in eccl. paroch. in Glacz in beneficium ecclesiasticum erigere..., predictosque census eidem ... incorporare ac prenominatum d. Johannem, capellanum nostrum dilectum, ad illud investire vnacum articulis et condicionibus supra et infrascriptis per eum et suos successores altaristas tenendis et observandis confirmare dignemini graciose, videlicet ut quilibet altarista... septimanatim quatuor missas legat per se uel per alium, dumtaxat d. Johannes tamquam ordinator istius testamenti ad duas missas sit astrictus. Pro qualibet vero missa sic neglecta quilibet altaristarum dabit vnum grossum, qui per plebanum est pauperibus scolaribus tribuendus; quociens vero vnum uel duos uel plures de suis patronis aut iuratis scabinis in Glacz, qui pro nunc sunt uel pro tempore fuerint, uel in breui vnum post alium mori contigerit, extunc predictus altarista per se uel per alium aut sui successores semel tricesimum legant continue uel discontinue, secundum quod ipsis deus inspirauerit, pro animarum suarum salute. In missis autem sic legendis et superpelliciorum indumentis se debet ceteris altaristis sine preiudicio ecclesie seu plebani conformare et reuerenciam domino suo plebano exhibere, sicut decet. Si autem dictum altare quocies aut quomodo vacare contigerit, extunc nos patroni aut nostri successores debent illud conferre et dare... approbato viro, qui de facto presbyter sit, cum consilio et assensu scabinorum et juratorum in Glacz... Nullus eciam altaristarum altaris sepedicti duo habeat beneficia, sed si aliud adeptus fuerit, vnum relinquat, excepto d. Johanne, qui pluribus potest beneficiis gaudere. Eciam quilibet altaristarum campanatori seu seruitori ecclesie singulis annis sex grossos dare debet propter altare tegendum et alia necessaria circa hoc faciendum. Census prenominati in festis SS. Georgii martiris et Michaelis archangeli singulis annis sunt censuandi et soluendi. In cuius rei etc. presentes litteras sigilli nostri appensione fratris senioris... iussimus communiri. Datum a. d. MCCCCXXIII, indiccione I, die XV mensis Marcii.

Post prescriptarum litterarum presentacionem ... fuit nobis per... d. Johannem Trewchwein nomine testamentariorum... supplicatum, quatinus prescriptum altare in perpetuum beneficium ... erigere... ac census ... superius descriptos ... eidem altari... incorporare necnon omnia... confirmare dignaremur. Nos ... cridam ... in prefata eccl. in Glacz per... d. decanum Glacensem, plebanum eccl. in Ekhardivilla... fieri fecimus ... et nullo contradictore comparente... prescriptum altare... in ... beneficium ecclesiasticum erigimus ... census quoque superius descriptos ... eidem ... annectimus... necnon omnia... confirmamus, cuius quidem altaris pretactum d. Johannem Trewchwein ... rectorem legitimum instituimus etc. Dat. et act. Zitauie a. d. MCCCCXXIII, die XXIX Marcii.